Muzey – tələbələrin elmi-metodik, kreativ düşüncəsinin və bədii individuallığının formalaşdığı yaradıcılıq bazasıdır. Qorunmuş ənənələrlə bərabər Akademiyada yaranmış ən yaxşı əsərlər axtarış və yeniliklər üçün stimula çevrilir. Klassik akademik təhsilin əsaslarına prinsipial olaraq ciddi yanaşma özünəməxsus üslubun formalaşması prossesində Rəssamlıq Akademiyasının tələbələrinə eksperimentlər üçün fundament rolunu oynayan materiala yiyələnmək texnikasının və estetik zövqün formalaşdırılmasının təminatını verir. Yuxarı kursların tələbələrinə innovasiyalar üçün geniş imkanlar yaradılmışdır. Hər iki tendensiya Azərbaycanda fəaliyyət göstərən xarici ölkələrin nümayəndəliklərinin və beynəlxalq əlaqələr şöbəsinin təşəbbüsü ilə Rəssamlıq Akademiyasının muzeyində 40 sərgi küçirilmişdir. O cümlədən, British Council-un kolleksiyasına daxil olmuş müasir britaniya qrafikasının, Berlin incəsənət xadimləri cəmiyyətinin və məşhur alman qrafikləri Byuşer, Prass Yurqen, Yan Perkoterinin, yeni dalğa türk avanqardist rəssamlarının sərgiləri keçirilmişdir. Müasir qərb incəsənətin görkəmli nümayəndələrindən biri olan Qünter Yukerin, məşhur avstriyalı qrafika ustası Diter Yozefin, Berlin və Azərbaycan Dövlət Rəssamlıq Akademiyasının professoru İnqa Şmitin sərgiləri nəinki profesionallar, həmçinin geniş tamaşaçı kütləsi tərəfindən böyük şövqlə qarşılanmişdır. Həmçinin Rəssamlıq Akademiyasının muzeyində dəfələrlə Almaniya, ABŞ, Türkiyə, İsrail səfirlikləri tərəfindən yarışlar keçirilmişdir. Bu yarışların nəticəsi olaraq Rəssamlıq Akademiyasının tələbələri Türkiyə və İsraildə təcrübə keçmişlər.2012-ci ildə Rəssamlıq Akademiyasının muzeyi dəyişilərək Muzey-sərgi kompleksi ilə əvəz olunmuşdur ki, bu da muzeyin statusunun və fəaliyyət dairəsinin genişlənməsinə zəmin yaratmışdır. Tələbə və professor-pedaqoq heyyətinin işlərinin (ən yaxşı diplom və kurs işləri) nümayiş olunduğu daima yenilənən ekspozisiya ilə yanaşı, Muzey-sərgi kompleksi Rəssamlıq Akademiyasının səyyar tədbirlərində iştirak edir, o cümlədən geniş sərgi fəaliyyəti ilə məşquldur . Öz zallarında Azərbaycan təsviri sənət ustalarının, xarici rəssamların fərdi, tematik və qrup sərgilərini təşkil edərək.Kompleksin nəzdində artıq tədris kursları da fəaliyyət göstərir: abiturient, kiçik və orta məktəb yaşlı uşaqlar və arzu edən hər kəs yaş məhdudiyyətindən və professional hazırlığından asılı olmayaraq təsviri və dekorativ tətbiqi sənətin əsasları ilə tanış ola bilər. Muzey-sərgi kompleksinin kompüter kursları təsviri sənətin, memarlıq layihələndirilməsinin və dizaynın bütün sahələrinin müasir texniki yardımını təmin edir. 2013-cü il kurslarının proqramına – rəsm, rəngkarlıq, plastika, kompüter dizayn fənnlər üzrə ı, də daxil olduğu həvəskar və professional qruplarda boyüklər və uşaqlarla, o cümlədən ali rəssamlıq məktəblərinin abiturientləri və magistrları üçün TGDK prozramı üzrə məşğələlər daxildir.